現在是食 "梨" 最好季節, 清爽香甜, 所以昨晚我就用了 "水蜜梨" 來玩了一個有韓味家常菜, 個個都大讚好味 (尤其是我奶奶, 佢話好有創意及好好味) 碟餸好快就沽清. 一個家常菜既有豐富纖維素吸收, 又可生津潤燥, 滋潤皮膚, 更因它清爽香甜口感好易入口. 大人長者及小朋友必定喜歡.
材料
水蜜梨 (2 個 - 切條), 豬肉片 ($30), 杏鮑菇 (3 件 - 切條)
蔥 (1 條 - 切段), 蒜頭 (4 粒 - 切碎)
醃料
韓國醃豬肉醬汁 (1 湯匙), 海鹽 (少量)
黄糖 (半茶匙), 油 (1 茶匙)
調味料
韓國醃豬肉醬汁 (1 湯匙), 生抽 (1 茶匙), 黃糖 (半茶匙)
海鹽 (少量), 紹興酒 (1 湯匙 - 贊酒用)
做法
1) 肉片清洗乾淨, 抺乾水份, 用醃料醃約 30 分鐘, 備用.
2) 水蜜梨去皮, 切條, 用鹽水浸住 (避免變黃)
杏鮑菇切去根部, 清洗乾淨, 切條, 備用.
3) 開火下油, 加入肉片炒煮至 8 成熟, 就盛起備用.
4) 再開火下油, 下蒜粒爆香, 加入杏鮑菇炒, 贊酒, 加入韓國醃肉醬汁及生抽炒勻至軟身, 再加入肉片炒勻煮熟, 下海鹽及黃糖調味, 下蔥段拌勻, 熄火加入水蜜梨用餘温與食材炒勻, 就可盛起食用.
沒有留言:
張貼留言