蠔肉伴金菇菜

我本身唔係一個經常會煮蠔的人, 所以因著技術有限, 我煮呢個餸係分開蠔肉及金菇菜來煮, 咁就唔怕會失手. 這款韓國蠔肉雖然唔係好大隻, 但好有蠔味, 用少少調味料就能帶出蠔肉鮮味.

材料
韓國蠔肉 (1 包), 金菇菜 (1 包), 薑片 (3 塊), 蒜頭 (2 粒 - 切碎)

調味料
韓國蠔肉 - 蠔油 (1 大茶匙), 鹽 (少量), 糖 (1/2 茶匙)
紹興酒 (1 茶匙 - 贊酒用), 暖水 (3 - 4 湯匙)

金菇菜 -  蠔油 (1/2 湯匙), 鹽 (少量), 紹興酒 (1 茶匙 - 贊酒用)

做法
1) 蠔肉用粟粉清洗乾淨, 汆水 (只需1分鐘), 盛起隔水備用.

2) 金菇菜清洗乾淨, 燒熱平底鑊落油, 下蒜頭爆香, 加入金菇菜炒勻, 贊酒, 下調味煮熟, 盛起放碟上.

3) 燒熱平底鑊落油, 下薑片爆香, 加入蠔肉煎炒, 下蠔油, 鹽及糖調味, 下暖水兜勻煮熟, 就可盛起平排在金菇菜上.