柚子蜜菇菇西蘭花

這個餸是大前天愛筵的其中一個小菜, 原本煮呢個餸係諗住用蠔油汁嚟煮. 但諗諗吓我已經會煮鮑汁螺片西生菜, 無理由再用相同汁料來煮餸. 哈哈.........但轉頭我就諗到可以用 "柚子蜜" 來煮個 Fusion 菜. 用了紐西蘭啡蘑菇 + 韓國秀珍菇 + 柚子蜜真係一個好新穎 "西韓" 配搭.

材料

紐西蘭啡蘑菇 (1 盒-每粒切3-4片), 韓國秀珍菇 (1 盒) , 西蘭花 (3 個)
蒜頭 (3 粒-切粒), 乾蔥 (1 粒-切片)

調味料

紹興酒 (1 茶匙-贊酒用), 鹽 (半茶匙), 糖 (半茶匙)
韓國柚子蜜 (3 湯匙)

做法
1) 西蘭花切件, 用鹽水浸一陣, 盛起起備用. 啡蘑菇及秀珍菇清洗乾淨, 及啡蘑菇切片, 備用.

2) 燒一鍋熱水, 下油及鹽, 加入西蘭花灼熟, 盛起隔水後, 放於碟上.

3) 燒熱平底鑊落油, 下蒜頭及乾蔥爆香, 加入啡蘑菇及菇炒香, 贊酒, 下鹽及糖調味炒勻, 煮至汁收乾大半就下柚子蜜拌勻, 熄火盛起平鋪於西蘭花上面即成.

愛心提示
因我今次係用西式啡蘑菇及柚子蜜來煮, 我覺得唔汆水都得. 但若果大家都好怕菇類草腥味，可以先汆水才煮熟.