栗子炆雞

昨晚愛筵中煮了我最喜歡亦係現在最時令 "栗子" 用它嚟炆雞真係美味一流. 昨晚大家都好欣賞這碟 "栗子炆雞" 見到大家食到開心enjoy個樣, 我就 "冧爆"

材料

鮮雞 (1 隻-斬件), 栗子 (1 磅), 乾蔥 (2 粒-切片)
蒜頭 (3 粒-切粒), 薑 (3 片)

醃料
薑汁 (2 湯匙), 生抽 (1湯匙), 紹興酒 (1 茶匙), 麻油 (半茶匙)

調味料
蠔油 (3 湯匙), 生抽 (1.5 湯匙), 老抽 (1 湯匙)

玫瑰露酒 (贊酒用)

做法
1) 鮮雞斬件及去皮, 清洗乾淨, 抹乾水份, 用醃料醃約 30分鐘.

2) 將栗子放入一鍋熱水熄火靜待10分鐘, 逐次放幾粒入冰水中靜待一會, 就會好容易去殼去衣.

3) 燒熱鑊落油, 爆香薑片, 蒜頭及乾蔥, 加入雞件炒至轉色, 再下栗子兜勻, 贊酒, 注入暖水剛蓋過雞件.

4) 當水滾起時, 下生抽, 老抽及蠔油拌勻, 轉細火加蓋炆煮約 25-30 分鐘. 然後開大火煮至收汁, 就熄火盛起慢慢食用.