好入味鹵水鵝

今日同 Honey 去咗上環探訪一位癌友, 經過 "陳勤記鹵鵝飯店" 就在此食 Lunch. 之前都聽人過講他好出名, 門前亦貼上是米芝蓮的推介. 坐下侍應好有禮貌遞上餐牌, 當中有好多款午市特餐. 我地點了鹵水鵝飯, 蠔仔肉碎泡粥, 及加 $12 轉了一個西洋菜豬什湯, 及散叫了一碟鹵水鵝掌翼.

好喜歡它的鹵水汁非常入味, 又唔會只係得過"咸"字. 而且食到鵝肉本身香味.

而那個加 $12 就有的西洋菜豬什湯, 係我至愛, 清清甜甜, 西洋菜好新鮮, 豬什當中還有豬肺, 令人好想再飲多幾碗.

蠔仔肉碎泡粥內的蠔仔真係粒粒都好大粒, 又新鮮, 個粥湯底都不錯.

而鹵水鵝掌翼個鹵水味當然OK啦, 但我地都覺得硬咗d, 淋身返一d會更好.

整體上來講, 食物水準都不錯. 份量都好足夠. 服務態度都滿意. 仲唔駛加一 (喂! 我唔係買廣告, 我真係確得不錯架.)


鹵水鵝飯

蠔仔肉碎泡粥

西洋菜豬什湯

鹵水鵝掌翼