又到 "餘廚" 作品出場時間, 見雪櫃有一大隻冰鮮水魷魚, 雞絲及魚片, 就決定加埋蘆荀炒埋一鑊熟. 用日式生薑燒肉汁做汁料, 出奇地非常好夾好味, 特別是水魷魚好彈牙有口感, 哈哈!........既可以慳錢又唔浪費食物. 正啊!
材料
雞絲 (300 g), 水魷魚 (1 隻 - 切條)
炸魚片 (半條 - 切條), 蘆筍 (12 條 - 切條), 蒜頭 (5 粒 - 切粒)
醃料
生抽 (1 湯匙), 黃糖 (1 茶匙), 胡椒粉 (少量)
麻油 (少量), 油 (1 茶匙)
調味料
日式生薑燒肉汁 (3 湯匙), 黃糖 (1/2 茶匙), 海鹽 (少量)
料理酒 (2 茶匙 - 贊酒用)
做法
1) 雞絲清洗乾淨, 抺乾水份, 用醃料醃約 30 分鐘, 備用.
2) 水魷魚清洗乾淨, 切條, 汆水約 1 分鐘, 盛起隔水, 備用.
炸魚片清洗乾淨, 切條, 備用.
蘆筍清洗乾淨, 切條, 汆水約 2 分鐘, 盛起放在冰水過冷河, 最後盛起隔水, 備用.
3) 用玫瑰鍋下油 (少量), 下蒜粒爆香, 加入雞絲煎至兩面金黃色, 加入炸魚片及水魷魚同炒勻, 贊酒, 加入日式生薑燒肉汁與食材炒拌, 加蓋煮約 3 分鐘, 下蘆筍拌勻, 最後下海鹽及黃糖調味, 就可盛起食用.
沒有留言:
張貼留言