日式味噌芝麻醬四季豆

四季豆是我娘家自小食大餸菜, 但我媽媽係用麵豉醬煮, 今次我改用日式味噌及芝麻醬來煮, 出嚟味道又好好喎! 大家都試吓喇!

材料
四季豆 (1 包 - 去除頭尾及切半), 蒜頭 (切碎), 薑 (切粒)

調味料
日式味噌 (1 大茶匙), 日式芝麻醬 (3 大茶匙)
鹽 (1/2 茶匙), 糖 (1 茶匙), 暖水 (大半碗水)

材料
1) 四季豆清洗乾淨, 汆水, 盛起隔水備用.

2) 燒熱平底鑊落油, 下蒜頭及薑粒爆香, 下味噌拌勻，加入四季豆炒勻, 贊酒.

3) 下暖水加蓋煮約 5分鐘, 其間加入鹽及糖調味, 下日式芝麻醬炒勻，盛起食用.