黑胡椒蟹

呵呵..........謝謝教會姊妹從新加坡買回來給我手信, 讓我有兩個新體驗, 第一個就係自家第一次學會炒蟹, 第二個是自家第一次煮星洲名物 "黑胡椒蟹"

 

WoW! 原來黑胡椒蟹真係好 "正" 架!  惹味得嚟又夠辣, 我仲用 d 汁食咗一大碗白飯. 超級 Llike 呀!!!

 

材料

膏蟹 (1 隻 - 斬件), 蒜頭 (4 粒 - 切片)

薑 (3 片), 乾蔥 (2 粒 - 切粒)

 

調味料

新加坡黑胡椒醬 (1 包), 紹興酒 (半茶匙 - 贊酒用), 半碗暖水

 

做法

1) 膏蟹斬件及清洗乾淨, 備用.

 

2) 燒熱鑊落油, 下薑片, 蒜頭及乾蔥爆香, 加入膏蟹爆炒, 贊酒, 炒至8成熟, 下黑胡椒醬兜勻, 下暖水, 加蓋焗煮約 2分鐘, 就可盛起食用.