層層疊@蘆筍拌香煎鯰魚柳 (附食譜)

今日又繼續學習煎魚, 是的, 我真係對煎炸食物唔係好得, 唯有操練多d 啦! 總會有成功一日.

但......唉!........我真係無咩藝術創作細胞, 好想將碟餸排放得佢靚靚, 結果整咗個層層疊出嚟. 算罷! 懶得再諗點排法. 最緊要好食及食得飽飽. (嘻嘻......同自己揾藉口)

我家中無沙律醬, 只用了薄荷啫喱及茄汁伴食. 發覺用薄荷啫喱食都幾好味喎!

材料

蘆筍 (1 包), 鯰魚柳 (2 條 - 切大件)

醃料

海鹽 (1 茶匙), 黑胡椒 (少量)

做法
1) 鯰魚柳解凍, 清洗乾淨, 抺乾水份, 用醃料醃約 30 分鐘.

2) 蘆筍清洗乾淨後, 在一鍋熱水中下鹽, 加入蘆筍煮 3 分鐘, 就可盛起隔水備用.

3) 燒熱平底鑊落油, 鯰魚柳撲上生粉, 煎至兩面熟透, 盛起放在廚房紙吸油.

4) 將蘆筍及鯰魚柳用層層疊疊方式排好, 伴薄荷啫喱及茄汁食用.



來 Facebook 按 "讚好" 給我支持啦!