病人餐@蟹柳米粉味噌湯 (附食譜)

昨天我老朋友又不請自來嚟探我! 它的大名叫 "腸胃炎"

呢位老朋友由細到大佢已經時時來探我. 次次嚟探我都攪我死死吓! 佢仲一定會帶埋手信給我. 咩手信? 就係打針加食葯囉! 其實我真係好唔鍾意呢位朋友, 但佢就好 Like 我. 老朋友我真係好好好討厭你架! 你以後唔好再嚟揾我 (絕交)!!!

昨晚都好無奈要食我唔鍾意食 "白粥"

今日中午我就煮咗個 "病人餐 - 蟹柳米粉味噌湯" 就算病都要食好d 先得.


材料
米粉 (2 個), 蟹柳 (4 條), 娃娃菜 (半個 - 切塊)
味噌 (2 湯匙), 鹽 (少量)

做法
1) 米粉用水浸到軟淋, 娃娃菜切塊清洗乾淨.

2) 燒滾水加入味噌及鹽調味, 加入娃娃菜煮至熟透, 下米粉及蟹柳煮熟, 盛起食用.



請來我 Facebook 按 "讚好" 支持我啦!