玫瑰鍋@蕃茄滑蛋炒牛肉 (附食譜)

昨日又一個小小假期可以俾我地這班打工仔一個小休息好機會, 除了可以瞓耐 d, 亦可以煮番幾味開心吓. 用玫瑰鍋煮了幾個家常菜. 講起玫瑰鍋真係又要讚吓佢, 除了煮餸好味, 少油及容易清潔都係一個好處. 今次我煮完牛肉就立刻下蛋液(無落油)炒, 再用水沖洗一下個玫瑰鍋就可下蕃茄煮埋碟餸, So Easy 又 So Yummy!

材料

蕃茄 (4 隻 - 切 件), 雞蛋 (2 隻 - 拂勻), 牛頸脊 ($40 - 切片)
薑片 (2 塊)

醃料

生抽 (1 湯匙), 黃糖 (1 茶匙), 麻油 (少量), 油 (1 茶匙)
生粉 (1 茶匙), 水 (1 茶匙)

調味料

茄汁 (1 湯匙), 暖水 (150 ml), 黃糖 (1 茶匙), 海鹽 (少量)

做法

1)  牛頸脊清洗乾淨, 抺乾水份, 用醃料醃勻, 最後加水拌勻, 醃約 30 分鐘, 備用.

2) 雞蛋拂勻, 下適量海鹽拌勻, 備用.

3) 蕃茄清洗乾淨, 切件, 備用.

4) 用玫瑰鍋開中火, 下牛頸脊煮至 7 成熟, 就盛起隔油, 備用. 

 5) 然後直接下蛋液炒勻, 盛起備用.

6) 用清水沖洗玫瑰鍋, 下(幾滴)油, 用中火下薑片爆香, 加入蕃茄炒, 下暖水加蓋細火煮約 2 - 3 分鐘, 加入茄汁, 黃糖及海鹽調味加蓋煮約 2 分鐘, 加入蛋液及牛頸脊兜勻, 就可盛起食用. 

請來我 Facebook 專頁按 "讚好" 給我支持啦!