土茯苓昆布海草瘦肉湯

 

今日完了崇拜同弟兄姐妹一齊Lunch. 順便問下大家這季節煲咩湯水好呢. 有位弟兄講佢話用生地, 熟地, 昆布, 海草, 瘦肉煲湯可以對皮膚敏感有幫助. Honey 時不時就話皮膚痕, 我就去咗藥材舖買材料, 店舖亞姐介紹我買這湯包: 野牛皮止痕湯. 煲出嚟這個湯雖然好深色, 但好清甜架.

 

功效

潤燥止痕, 袪濕涼血, 清熱解毒, 消痰散結

 

材料

湯包 - 土茯苓, 昆布, 海草, 大生地, 野牛皮, 瘦肉 ($20)

 

做法

1) 瘦肉清洗乾淨, 放入沸水中拖水, 撈起備用.

 

2) 將湯包所有材料洗淨.

 

3) 用湯煲煲滾水, 加入瘦肉及湯包材料, 待水滾後轉細火煲 2-3小時, 加入鹽調味, 即可慢慢飲用.