菠蘿咖喱炆薯仔雞翼 (附食譜)

 
用了之前從新加坡買回來咖喱醬包煮咗個咖喱薯仔雞翼食. 夠晒辣又香濃咖喱味, 不知不覺又食多咗飯啦! > <"

 
材料

雞翼 (10 隻), 薯仔 (3 個 - 切粒), 菠蘿 (3 片 - 切粒)

蒜頭 (4 粒 - 切粒) 

醃料

鹽 (1 茶匙), 黑胡椒 (半茶匙), 油 (半茶匙), 生粉 (1 茶匙) 

調味料

A1 咖喱醬 (1 包), 鹽 (少量), 椰糖 (半茶匙)

暖水 (100 ml), 椰漿 (約 50 ml), 紹興酒 (1 茶匙) 
 
做法
1) 雞翼解凍, 清洗乾淨, 抺乾水份, 用醃料醃約 15 分鐘.

2) 薯仔去皮, 清洗乾淨及切粒. 菠蘿切粒.

3) 開火下油, 下蒜粒爆香, 加入雞翼煎至金黃色, 贊酒, 加入薯仔炒勻, 下咖喱醬及暖水煮約 8 - 10 分鐘, 加入鹽, 椰糖及椰漿兜勻, 煮至熟透入味, 加入菠蘿拌勻就成了.



請來我 Facebook 專頁按 "讚好" 給我支持啦!