痛心 (附食譜)

心情真係麻麻地!!! 其實我這平台通常只講煮飯仔或街外食, 但今日我都想講一兩句嘢! 原來以前電視劇集裡講 d 差人鍾意就打人, 仲有上頭包庇嘅橋短都不是虛構, 是真實地發生在我們這都市中. 唉!.....為我所愛都市.........痛心!!!

材料

牛肋條 (6 條 - 切粒), 翠肉瓜 (2 條 - 切粒), 蒜頭 (4 粒 - 切粒)

醃料

韓式牛骨汁 (2 湯匙), 黑胡椒 (1 茶匙), 油 (1 茶匙)

調味料

韓式牛骨汁 (1 湯匙), 鹽 (少量), 糖 (約半茶匙)
暖水 (30 ml), 紹興酒 (1 茶匙 - 贊酒用)

做法

1) 牛肋條解凍, 清洗乾淨, 抺乾水份, 切粒, 用醃料醃約 30 分鐘, 備用.

2) 翠肉瓜清洗乾淨及切粒, 備用.

3) 開火下油, 下牛肋粒煎至七成熟, 盛起隔油, 備用.

4) 再開火下油, 下蒜粒及翠肉瓜炒勻, 加入暖水煮約 2 分鐘, 加入牛肋粒兜勻, 贊酒, 下適量鹽及糖調味就可盛起食用.



請來我 Facebook 專頁按 "讚好" 給我支持啦!