越南雞肉甘筍青瓜米紙卷 (附食譜)

星期六全日同 Honey 去拍咗, 真係好開心, 食咗好多美食, 去咗元創方睇在好多本港設計師自家創作品牌產品 (嚟睇睇相)

昨日都終於要回歸返到我廚房開工喇! 星期天比較多d時間就攪攪新意思, 學整越南米紙卷. 第一次整所以包得麻麻地. 用泰式雞醬做醬料. 食材主要都是瓜菜類, 味道好清爽, 亦好健康.

 在網上所見甘筍及生菜做法都是未有煮過的. 但我本人就不太習慣, 所以甘筍及生菜都有略灼過的, 比較健康衞生.

材料

米紙 (9 塊), 雞脾肉 (1 件 - 切幼絲), 甘筍 (半條 - 切幼絲)

青瓜 (半條 - 切幼絲), 生菜 (3 塊 - 切小片)

醃料

生抽 (1 茶匙), 糖 (半茶匙), 胡椒粉 (少量), 麻油 (少量)

做法

1) 雞脾肉清洗乾淨, 抺乾水份, 用醃料醃約 20 分鐘, 下鑊蒸 12 分鐘, 盛起待涼後, 撕成小絲.

2) 甘筍去皮及切幼絲, 用水灼 1 分鐘, 盛起隔水, 備用.

3) 青瓜清洗乾淨及切幼絲, 備用. 生菜清洗乾淨, 再用暖水沖洗乾淨, 隔水, 備用.

4) 米紙放入暖水中至軟身, 盛起平放碟上, 將生菜, 雞肉絲, 甘筍及青瓜放上米紙上, 捲起, 切件. 沾上雞醬汁就可食用.

請來我 Facebook 專頁按 "讚好" 給我支持啦!