中西合璧 - 沙薑粉迷迭香焗燒雞

Hello! 各位, 我靚唔靚啫? 又無流晒口水? 嘻嘻........我叫沙薑粉迷迭香燒雞, 個名係咪好長呢? 因為我係中西合璧混合產品. 等我詳細自我介紹吓.

材料
冰鮮雞 (1 隻)

醃料
沙薑粉 (1 包), 海鹽 (約 1 湯匙), 迷迭香 (2 扎)
老抽 (約 1 湯匙), 黑胡椒 (約 1 茶匙), 牛油 (適量), 蜜糖 (適量)

做法
1) 清洗乾淨冰鮮雞, 抺乾淨水份, 在雞表面及內腔都均勻搽上海鹽及沙薑粉, 現後放入雪櫃雪過夜.

2) 第二日從雪櫃取出醃過雞, 放在室溫放暖, 預熱焗爐160度, 然後在雞身均勻曬上黑胡椒及搽上老抽. 然後將迷迭香放入雞腔內跟住用針封住, 最後在雞身上均勻搽上牛油, 放入焗爐用180度旋轉焗雞, 約 35-40分鐘後用針插入雞腿厚肉處, 只見透明水流出即是熟透. 然後在雞身上搽上蜜糖用220度旋轉焗約 5分鐘, 再搽多一次蜜糖旋轉焗約 5分鐘, 然後取出雞放涼約10分鐘切件上枱即可享用.