星洲酸辣咖喱薯仔雞翼

今日回娘家與家人共渡了一個開心一天, 我仲帶了教會姊妹送給我新加坡咖喱醬料手送同家人一齊分享, 煮了一個好惹味又開胃星洲咖喱雞翼. 大家睇睇食譜.

材料

雞翼 (12 隻), 薯仔 (2 個 - 切件), 蕃茄 (3 個 - 切件)

蒜頭 (4 粒 - 切粒)

醃料

鹽 (約1 茶匙)

調味料

新加坡咖喱醬 (1 包), 紹興酒 (1 茶匙), 鹽 (約1 茶匙)

糖 (約 1 茶匙), 椰漿 (約 100 - 150 ml), 暖水 (約1 1/2 碗)

做法

1) 清洗乾淨雞翼, 用醃料醃約30 分鐘, 備用.

2) 薯仔去皮清洗乾淨, 切件, 備用.

3) 蕃茄清洗乾淨, 切件, 備用.

4) 燒熱平底鑊落油, 將雞翼煎至微金黃色, 盛起備用.

5) 再燒熱平底鑊落油, 下蒜頭爆香, 加入薯仔炒香, 贊酒, 下蕃茄炒勻.

6) 再加入雞翼炒勻, 下新加坡咖喱醬兜勻, 加入暖水加蓋煮約 8-10 分鐘 (其間留意是否要加水), 然後下椰漿拌勻, 再煮約 5 分鐘, 就可熄火盛起享用.
 

姊妹送給我手送.........呵呵.........好好味呀!