粉葛牛蒡湯

 

自從買了氣壓煲返來煮飯煲湯後,真係方便好多, 煲出嚟湯水同平時煲成3小時明火湯水無咩分別, 而我今次用牛蒡嚟煲湯清甜又好味. So Good!

 

材料

粉葛 (1 個 - 切粒), 牛蒡 (4 條 - 切粒或切片), 紅蘿蔔 (1 條)

粟米 (1 條), 蜜棗 (3 粒), 南北杏 (少量), 西施骨 ($25)

 

做法

1) 清洗乾淨西施骨, 用滾水汆水, 盛起備用.

 

2) 用氣壓煲燒滾一鍋水後, 加入以上所有材料, 然後蓋上氣壓煲蓋, 當氣壓煲開始加壓, 就調較細火煲30分鐘, 然後熄火待減壓, 當減壓完後開氣壓煲蓋, 改用玻璃煲蓋再煲15分鐘加鹽調味就可飲用.