油炸鬼蒸蛋 (附食譜)

究竟這個餸有幾耐未食過, 已經唔記得, 但肯定有 N 年咁耐. 這幾天忽然想起它, 好掛住它. 所以就立即主動去約它 (即係煮咗佢嚟食). 有人食這個餸會加豉油, 我就喜歡加胡椒粉來食. 好好味架!

材料

雞蛋 (4 隻 - 拂勻), 油炸鬼 (1 條 - 切件)

調味料

鹽 (少量), 清水 (與拂勻後雞蛋份量同等)

做法

1) 油炸鬼切件, 平排放在碟中. 雞蛋拂勻, 加入已放油炸鬼碟中, 然後舖上保鮮紙.

2) 放入蒸鑊中, 大火蒸約 10 - 12 分鐘就食得.

請來我 Facebook 專頁按 "讚好" 給我支持啦!