洋蔥紅蘿蔔拌香煎三文魚 (附食譜)

 

這是馬年第一餐入煮樂 (除了大初一晚). 今晚即刻就來過新嘗試 "煎三文魚"

 

是的! "煎魚" 對我本人嚟講確實係好高難度動作!!! 但我家 Honey 話好想食, 咁我就唯有試吓啦! 哈哈.........竟然俾我煎到塊靚靚三文魚. 哈哈...........巧開心呀! 所以, 只要係用心製作一定會成功架!

材料

急凍三文魚 (3 件), 紅蘿蔔 (1 條 - 切條), 洋蔥 (1 個 - 切條)

調味料

三文魚: 生粉 (半茶匙), 鹽 (半茶匙), 黑胡椒 (半茶匙)

紅蘿蔔及洋蔥: 油 (1 茶匙), 鹽 (半茶匙)

做法

1) 急凍三文魚解凍及清洗乾淨, 抺乾水份, 在表面撲上生粉, 鹽及黑胡椒, 每邊用中火煎約 3分半鐘, 就可盛起隔油備用.

2) 紅蘿蔔去皮, 清洗乾淨及切條, 洋蔥去皮及切條.

3) 將紅蘿蔔及洋蔥拌勻, 加入適量油及鹽, 放入焗盤中用鍚紙包住, 焗爐調較 220 度焗約 25分鐘, 然後盛起平均放於碟中, 最後將三文魚放在紅蘿蔔及洋蔥上面就可食用.