學整餅 2@小杯子蛋糕 Cup Cake (附食譜)

今晚又去學整餅, 今次學整 "小杯子蛋糕 Cup Cake"  同樣都係好好玩. 去咗二德惠上堂, 老師好專業, 但因為它們規定不可現場拍攝製作蛋糕過程, 只能拍攝了幾張完成作品. 這款小杯子鬆餅做出嚟味道好鬆軟, 唯獨唧花係用牛油製作, 食落感覺好肥膩, 我自已就覺得麻麻地! 另自覺唧花及裝飾技術真係做得好差勁, 真係要好好學習吓. 好啦! 看相吧!

香甜蕃茄豬排意粉 (附食譜)

 

這幾天都係食粉麵做主食, 今晚亦都不例外, 今次食意粉, 加煮埋我 Honey 至愛豬排, 再用埋超方便又好味金寶香甜蕃茄醬汁, 話咁快就煮咗個 "香甜蕃茄豬排意粉" 出嚟!

開心外食@IKEA

今晚無玩煮飯仔, 去玩拍拖, 同 Honey 去咗宜家食 Dinner 加 Shopping. 相信好多人都去嗰呢間食店食過嘢. 我自已覺得他們食物質素確實係不錯. 價錢又大眾化, 環境舒服. 更唔會被人吹住趕走. 都係一個大人及小朋友食飯好地方, 若果妳/你要買傢私用品就更加方便添. 今晚是平日無咁多人在此食飯, 所以我地食得更加休閒自在. So Happy!

海鮮拌清湯蕎麥麵 (附食譜)

蕎麥麵係我家中至愛麵食, 健康又營養豐富, 我地會時時配搭唔同食材來做主食. 今晚就配搭海鮮做晚餐. 鮮甜美味!

鮮蕃茄湯米粉 (附食譜)

食完美味吉列龍脷柳, 今晚要食得健康 d 啦! 所以煮了過清淡少少湯米粉做晚餐. 湯底是用新鮮蕃茄煮的. 夠晒健康又飽飽.

吉列龍脷柳 (附食譜)

是日回娘家食晚飯, 順到叫老師父 (即係我媽媽) 教我煎炸食物, 我知道煎炸食物可以用雞蛋, 生粉及麵包糠, 但技巧上我唔係好懂得掌握. 所以向老師父請教學習. 今次學煮龍脷柳, 只需用到雞蛋及麵包糖, 及用比較健康半煎炸形式來煮. 效果非常好. 我煎得 OK 嗎?

學整餅@北海道牛奶栗子凍餅 (附食譜)

今晚與同事去學整餅. 是我第一個學整蛋糕. 過程好開心愉快. 這次是在 Yahoo 團購裏找到整餅店. 名叫 W Cake. 位置在荔枝角區, 環境不錯. 導師教學講解亦都好詳細清楚. 我與同事都學得玩得好開心又滿意. 仲諗定下次學整其它蛋糕. 以下是 W Cake 提供食譜. 大家可以參考睇睇.

味噌青瓜炒帶子 (附食譜)

呢個餸煮完出嚟見到一粒一粒帶子仔時, 覺得佢地細細粒圓碌碌好可愛. 大家有無同感呢?

豉汁鯰魚柳蒸豆腐 (附食譜)

玩煮飯仔除了要識得玩(煮), 還要懂得體貼家人需要. 就如今次呢個餸就係應 Honey 要求煮的. 他非常喜歡這個豉汁蒸豆腐餸菜(配任何食材都得架), 時時叫我煮給他食. 他話汁料好好味又不油膩, 夠晒健康喎! (今次係無贊上熟油的煮法, 但效果都得.) 

Honey 你既然咁鐘意就煮俾你食啦. (嘻嘻! 今餐飯有可以諗少過餸lu....嘻嘻.......)

My Facebook

今天 (18/Feb) 決定在 Facebook 開了專頁, 建立多一個平台來分享我的生活動態.

繼續分享我的食譜, 我的開心外食, 生活鎖事, 我的感恩樂事,我的心頭好, 但最重要是可以分享我的愛主天父的奇妙恩典祝. 

請大家都入嚟我Facebook專頁 "Like" 我呀! 給我支持鼓勵. 謝謝大家!

www.facebook.com/moneyeekitchen

蒜蓉豆豉爆雞翼 (附食譜)

 

燒雞翼我鐘意食. 不過, 今晚唔係燒雞翼, 而係用惹味蒜蓉豆豉醬來煮雞翼. 簡單易煮, 又快手有得食. 仲要係好好味. 來吧! 來吧! 快來食喇! 

新玩具@Galaxy Tab 3

巧開心又有新玩具玩啦！ 星期六去咗大型電器店舖買 了部一直好想擁有 Galaxy Tab 3 (Wifi 版). 這段日子一直想要部 Tab 方便自己用. 原因手機屏幕太細, 打起字嚟唔係好方便. 適逢教會有一位弟兄買了部 Asus Tab (除了有基本功能外, 還內置 Window 8.1 功能) 非常適合我 Honey 使用. 再加上電器公司只需賬單夠5千元就可24個月分期付款. 所以同 Honey 都各自買了部不同牌子 Tab 用.

愛 · 甜蜜的婚禮@中西情人節

 昨天是19年難得一度西式情人節及中式元宵節混合版, 但對於我嚟講有更深層意義及紀念價值, 因昨天是我弟弟結婚大喜日子. 

哈哈……終於都大個仔成家立室, 好感動又開心.

願主賜福給我弟弟有一個幸福甜蜜家庭, 白頭到老, 福氣滿載, 懂得彼此尊重對方, 包容, 體諒, 是一個充滿著 "愛" 的家庭. 阿門!

南瓜炒鰻魚 (附食譜)

南瓜是我喜愛食材之一, 鮮黃顏色感覺好有生氣活力, 讓人有一種好温暖感覺. 在這個寒冬日子用它做晚飯, 食完整個人都會感覺好 Warm!

毛茄炒蒜蓉豆豉排骨 (附食譜)

唉!.........這個寒流真係好勁, 而且仲要繼續凍多幾日,  Blog 友們要多多保重呀! 穿多件衫至於, 唯有煮多啲熱辣辣食物來取暖啦!

今晚我就用蒜蓉豆豉醬煮排骨, 夠晒惹味開胃, 飯都會食多d. (食多d, 個人熱量都會提高, 自然就會暖笠笠啦!)

材料

排骨 ($26), 毛茄 (8 條 - 切小粒), 蒜頭 (3 粒 - 切粒)

醃料

生抽 (2 茶匙), 糖 (1 茶匙), 紹興酒 (半茶匙)

油 (半茶匙), 生粉 (半茶匙)

調味料

蒜蓉豆豉醬 (1 湯匙), 糖 (2 茶匙), 暖水 (1 1/2 碗)

做法
1) 排骨清洗乾淨, 抺乾水份, 用醃料醃約30 分鐘,備用.

2) 毛茄清洗乾淨, 切粒, 備用.

3) 燒熱鑊落油, 爆香蒜蓉, 加入排骨炒勻, 贊酒, 下蒜蓉豆豉醬爆香, 下糖及暖水加蓋煮約 8-10分鐘.

4) 加入毛茄拌勻, 加蓋煮約 2分鐘, 熄火就可盛起食用.



冰條人

好凍! 好凍! 大家係公司係咪都凍到咁樣呢?

接仔女返學及放學時係咪亦都凍到咁樣呢?

唔止呀！仲要落住雨，凍上加凍，雪上加霜。

太陽伯伯，你去咗邊樹呀？我好掛住你! 快d返嚟啦！嗚嗚……嗚嗚……!!!

鴕鳥肉炒翠肉瓜 (附食譜)



昨日氣溫最低只有 7.5 度, 實在太凍啦! 大家仲有無心機玩煮飯仔呀?! 前晚食了高熱量羊腩, 昨晚就煮低脂、低熱量、低膽固醇駝鳥肉來做晚餐. 營養師指鴕鳥肉除了擁有低脂、低熱量、低膽固醇的特性, 更富含高量的鐵質、蛋白質和多元不飽和脂肪酸, 有益人體健康. 所以我一家人都喜歡食. 配搭任何食材都得.

蠔汁冬菇馬蹄炆羊腩 (附食譜)

 

 

好凍呀! 凍死我! 我真係好唔鐘意冬天. 我要食d 暖笠笠食物. 暖住自己, Honey及家人. 今晚就食羊腩啦! 用氣壓煲炆煮,好快就有得食. 起筷喇!

新的一頁

感謝主! 新的一年剛開始就收到一個好開心又興奮消息. 因得到 SeeWide 香港特搜網頁邀請我在它們平台分享我的相片及內容. 亦表達對於我的內容及相片感覺好有質素 (呢句對我嚟講至重要).

說真, 自覺自己文字表達手法其實好麻麻地, 又不太流暢, 有時甚至無嘢寫. 但能得到人家欣賞的確係件好開心事, (依家明白被邀請寫食譜書 blog 友感受了).

大家日後都可以到以下這個平台來同我互動分享. Blog 友們若有興趣就加入埋Seewide香港特搜這個平台. 多一個平台分享都係一件好事.

http://www.seewide.com/space-home-share.html

***********************************************

還有一件感恩開心事, 就係我 blog 已達 2 萬人次瀏覽了. 呵呵……雖則呢個數字唔係好高, 但對我嚟講每一位來過我 blog 朋友及在我 blog 留言傾計朋友都係好重要. 衷心多謝大家.

其實在煮飯仔這方面我仍有好多東西唔識，亦有好多需要進步空間, 更有好多餸菜要不斷學習煮法. 往後會繼續努力為 Honey, 家人, 教友及大家煮更多又營養又靚又健康又創新小菜.

請大家繼續多多支持我呀! 加入埋做我 blog 友啦! 多啲嚟留言傾計喎!

謝謝大家. Thank you dear all.

Happy Shopping

 

 

昨晚去咗天地書局大掃貨, 因它們現正做緊新春大減價. 由 3/Feb - 23/Feb 中英文書 85折, 文具 9折. 哈哈........我一次過買晒我喜歡書籍. 大部份都係教煮飯仔書籍及小說. 而且買貨品折實滿 $100 即送 $20 現金卷一張. 另買貨品折實滿 $300 除了即送 $20 現金卷 3 張及會有一張 9 折咭給顧客日後使用 (有效期到 2016年12月31日).

柚子蜜雙菇拌西蘭花@大年初一賀年飯 (附食譜)

這個日韓版 fusion 小菜在這幾個月前曾第 1 次煮, 當時家人已表示好鍾意. 所以決定用嚟做大年初一晚其中一個賀年餸. 哈哈......果然大家都非常鍾意. 沾滿了柚子蜜的秀珍菇及金菇菜味道非常清新又sweet. 大家都讚我好有創意. 及不停問我是什樣煮這個小菜. 宜家諗返起仍好開心呀! 

日韓大白菜炒年糕 (附食譜)

今晚呢個餸唔難煮. 而且送飯一流. 好喜歡早前係 Sogo 買的這款日式味噌醬料, 無論用嚟滾湯或玩煮飯仔都係咁好好味. 勁 Like!!!

洋蔥紅蘿蔔拌香煎三文魚 (附食譜)

 

這是馬年第一餐入煮樂 (除了大初一晚). 今晚即刻就來過新嘗試 "煎三文魚"

 

是的! "煎魚" 對我本人嚟講確實係好高難度動作!!! 但我家 Honey 話好想食, 咁我就唯有試吓啦! 哈哈.........竟然俾我煎到塊靚靚三文魚. 哈哈...........巧開心呀! 所以, 只要係用心製作一定會成功架!

鮑汁螺片灼豆苗@大年初一賀年飯 (附食譜)

呢個懶人餸, 既簡單易煮, 仲好出得大場面, 大家話係咪?

蠔汁冬菇炆海參@大年初一賀年飯 (附食譜)

賀年食材中, 冬菇必定係首選, 夠晒好味至於, 仲好簡單就能煮出一味好餸, 再配合埋營養價值豐富海參, 絕對係無得彈賀年餸菜!

豉油雞@大年初一賀年飯 (附食譜)

 

大年初一食飯有怎能無 "雞" 呢???

 

用李錦記豉油雞汁好快就煮到一隻色香味靚雞.

南乳蓮藕炆豬手@大年初一賀年飯 (附食譜)

 

 

繼續分享大年初一賀年飯美食, 這個小菜早在年三十晚就炆煮好, 用氣壓煲炆煑20分鐘後, 再明火炆多10分鐘就攪掂. 好淋亦好入味.

焗叉燒@大年初一賀年飯 (附食譜)

為大家送上馬年第一個自家出品 ~ 焗叉燒. 用了百份百愛心 + 醃製了一晚己成. 家人親戚個個好鍾意.

母親大人傑作@年初二開年飯2014

 

 

今天係年初二. 亦是我回娘家團拜大好日子. 食媽媽整蘿蔔糕 & 開年飯. 與姨甥仔女玩樂! 真係好得無比.

大年初一賀年飯@2014

今日一整天都係在廚房走來走去, 為的是今晚大年初一的晚飯, 更係入廚以來, 頭一次負責所有餸菜 (除了有兩個餸係奶奶負責之外). 而且今晚有好多奶奶親戚朋友來拜年晚餐. 真係有點緊張架! 幸好平時都有邀請一大班教友來我家飯聚, 總算有少少經驗. 大家都食得好開心. 亦都滿意今晚餸菜安排. 真的好開心又感恩. 稍後陸續同大家分享食譜.